Moscou avèti Anbasadris Ameriken an, Lynne Tracy, madi 18 avril 2023 sa kont nenpòt « aktivite sispèk » ki ta fèt kont Russie, dapre yon deklarasyon Ministè Afè Etranjè Ris la pibliye kèk tan apre li te fin konvoke diplomat Lynne nan tribinal Moscou.
« Nou te pran san nou pou nou di li nenpòt aksyon ki ta soti bò kote Etats-Unis, ki ta vize pou ankouraje dezòd ak fè lènmi nan sosyete Ris la, oubyen si yo ta sèvi ak misyon diplomatik la pou kache aktivite sispèk, y ap sibi gwo pinisyon », selon sa ki ekri nan kominike diplomasi Ris la te pibliye a.
Ministè Ris la tou pwofite denonse sa li wè tankou yon « entèferans flagran » Etats-Unis, Royaume-Uni ak Canada ta ap fè nan zafè entèn Russie. Eskalad vèbal sa a vini nan mitan tansyon ant Moscou ak Loksidan, paske Loksidan ap soutni Ukraine finansyèman ak militèman.
Byen bonè nan Madi sa, Moscou te gentan anonse li te konvoke anbasadè Ameriken, Britanik ak Kanadyen sa yo ki akize kòm antite k ap fè « entèferans » nan zafè Russie. Twa anbasadè yo se Lynne Tracy, Deborah Bronnert ak Alison LeClaire. Pòtpawòl Ministè Afè Etranjè Ris la, Maria Zakharova, te fè konnen twa anbasadè yo te sanse resevwa konvokasyon sila « pou raple yo sa diplomat yo ta dwe fè ak sa yo pa ta dwe fè ».
You may also like
-
Lancement de la 18e édition de ‘’Haïti en Folie’’ à Montréal
-
Kamala Harris récolte 81 millions de dollars en 24 heures après avoir rejoint la campagne présidentielle
-
Une femme à la tête de l’économie britannique
-
Une vidéo de Rihanna, avec des gestes et des paroles envoûtantes pour taquiner son compagnon, cartonne sur les réseaux sociaux.
-
L’épouse du pasteur Marcello Tunasi, Blanche Tunasi, est décédée